Verê 15 rocan xafılde qerar da ra cı ke roca Zıwanê ma u piyê dınya (21.02.2014) rê ma ewro, roca şemiye, 22.02.2014ine de seba Zazaki bêrime pêser u ma no qerar ard ca. Kar u ğeyretê mao ewroyên de ma stand kerd a; namey komela ma Cematê Zazayanê Almanya ra sermiyan Heyder Şahini be Zazaki qısey kerd, sermiyana dıyıne Aynur Karakaşe ki fêl u emelê pêseramayışê ewroyêni u hal u weziyetê Zazakiyoke tehlıke dero, be Almanki ard ra zıwan. Dıme ra ezaê diwanê idarey Enstitüyê Zazaki Frankfurt, embazê ma Mesut Keskini ki be Zazaki u Almanki, hal u weziyetê zıwanê ma sero melumati day. Oyo ke nıka Zazay biyê hemwetenê (vatandaşê, tabiyetê) Almanya, ey waşt ke hukumetê Almanya ki zıwanê ma u pi de heqa wendene bıdo Zazayan (Dımıliyan, Kırmancan). Zazay u mıletê binê ke sinoranê Tırkiya miyan de cıwiyenê, hukumetê Tırkiya heqanê zıwan u kulturi sero talim u terbiya (eğitim) karê xo biyaro raye, çunke cihetê heqanê insaniê bıgehênan ra mecburo.
İdarey komela ma ra embaz Adır Korkuti goni u ğeyretê Zazayan sero vat ke, Zazay gani teşkilatanê xoyê siyasiyan ronê, xoverdayışê kamiya xoya etnike rê wahêr veciyê, Tırkiya de ki Zazay gani siyaset de ki berzê xo ver, xora tenya be na qeyde şenê a ser finê, bıresê nışange u hedefê xo, zıwan u kulturê xo rê şenê wahêrine bıkerê. Vat ke, Zerb u zor u qırkerdene, cênosidê ke Şarê Ma diyê, inan ki ma ardime halo ewroyên u heto bin ra ma wahêrê rayberanê zey Sey Rızay u Şêx Seidime, gani qedr u qıymetê ninan bızanime, be qısay „bıcıwiyo (weş bo) bıraina şaran (mıletan)“ qalikerdena xo qedenê.
Zazay (Dımıli, Kırmanci) u dostê Şarê Maê ke roca ewroêne de ma de ewro pia pay ra vınderdi, pêrıne rê teşekur kenime.
Almanya de deve-deve 200 hazar nıfusa Zazayan esta u ninan ra kam ke kami u zıwanê xo u kalık u pirıkanê xo rê wahêr veciyeno, benê tewrê nê xoverdayışi. Ayam serd bi, varış bi; ney ver inanê ke çetıniye diye u nêşa bêrê, elbet ke ma fehm kenime. Senê ke zaniyeno, ê Zazayan zaf ked u emegê xo taê xoverdayışan u teşkilatan u partiyan de vêrdo. Zerri waştêne ke, ê taê teşkilatê çep u demokratê ke Zazay be giyan (can) u ruhê xo ra peşti danê cı, kaşkia (werıkna) inan ra ki taê zêde ma het de hazır bıbiyêne.
İnsananê ke goni gıreynê u amey ya ki nêamey, Heq/Homa pêrıne ra razi bo.
Cematê Zazayanê Almanya - Zaza Gemeinde in Deutschland
Diwanê İdarey
__________________________________________________________________________________________________
15 gün önce alınan ani bır kararla 21.02.2014 Dünya anadili günü münasebetiyle 22.02.2014 tarihinde dilimiz Zazaca için stand açma eylemini yapmış olduk. Bugünkü çalışmamızda Cematê Zazayanê Almanya yönetimi adına başkan Haydar Şahin Zazaca konuştu, es başkanımız Aynur Karakaş da bu günkü toplantının amacını ve Zazaca’nın geldiği tehlikeli durumu Almanca anlattı. Enstitüyê Zazaki e.V. Frankfurt yönetim kurulu üyesi arkadışımız Mesut Keskin de keza Almanca ve Zazaca, Zazacanın durumu hakkında bilgiler verip Alman vatandaşları olan Zazalar için Alman hükümetinin de Zazalara anadilde eğitim hakkı vermesini talep etti. Türkiye’de yaşayanlar için de Türk hükümetinin kendi vatandaşlarına Zazalar şahsında, tüm azınlıklara dil ve kültürel haklar konusunda eğitimi sağlaması, temel insan hakları açısından mecburi olduğunu dile getirdi.
Yönetimden Fatih (Adır) Korkut arkadaşımız ise Zazaların örgütlenmesi ve kendi etnik kimlik mücadelesine sahip çıkmasını, yine Türkiye’deki siyasi mücadele alanında yer alması için politik örgütlenmesini yapmasını ve ancak bu şekilde etnik, dil ve kültürünü korumaya alınabileceğini kitleye açıkladı. Zazaların yaşadığı kırımlar ve soykırımların da bu duruma vesile olduğunu, Seyit Rıza ve Şeyh Sait gibi önderlerin sahiplenilmesi gerektiğini belirterek, „yaşasın halkların kardeşliği“ şiarıyla konuşmasını sonlandırdı.
Bu gün bizimle ve kendi dili için hazır bulunan tüm Zazalara ve Zaza dostlarına teşekkür ederiz.
Almanya’da 200 bin civarında Zaza nufusu bulunmaktadır ve bu kesimden kendi öz kimliğine ve diline sahip çıkanlar bu mücadeleye dahil olurlar. Tabii, özellikle yağmurlu ve soğuk havada zor durumda kalıp gelemiyenleri anlayışla karşılıyoruz. Bilindiği gibi birçok farklı örgütlenmede Zazaların çok emeği geçmiştir. Gönül isterdi ki, Zazaların canı gönülden destek verdiği muhtelif demokrat ve sol örgütlenmelerden de daha fazla katılım olsaydı.
Duyarlı olup gelen ve gelmiyen insanlarımıza teşekkür ederiz.
Cematê Zazayanê Almanya - Zaza Gemeinde in Deutschland
Yönetim Kurulu
