1983 ra ravêri Şarê ma (Kırmanc-Dımıli) u zonê ma sero tek u teyna kıtabê Karl Hadank bi, u kıtab ki 1932 de Fekanê Zonê Zazaki ser veciyay bi. Na wanebend (kıtab) ser kute, Şarê ma sero tawaê çine bi.
Dewa şarê ma (Kırmanc-Dımıli) u zonê xo sero musêru (öğrenci) re, serba alaqadaran, ju ki serba sarê ma, i verenu keşi tawa nenuşnay bi, ne wanebendê (kıtabê) zoni, ne ki wanebendê (kıtabê) demê verêni (tarıxi) u yê kulturi nuşti bi. Verênu; serba ma, xo dıme ra tawa ca neverday bi. Ma morım verdayme, morım mendi bi, destê bırr kutme na kar, ma na hal ra kar guret de, ard na rocu.
Na Karê milli verende 1983 de rameti E.Bekir Pamuxçi ebe peserroka Ayre ra kute ra raê. Tawê Ayre de imkanê rameti E.Bekir Pamukçi zaf teng bi ! dormê de zaf keşi çinê bi. Coke ra Ayre ki zaf qıc u tenkêk biye. Serba ilimdaru, serba sarê teveri hin verın u hira nebiye. Key ke wendkar u nuskari bi zaf, nia da ke nia Ayre senık yena, dıme ra i albazu zor da xo, Ayrey ver ra tenena gırs, tenena verın Peserroka Piya vete.
Nuskar u wendkarê Pia mordemi bi zaf, Peserroka Piya zaf cau re şiyene. Hama Cuyayişê (yaşamı/ömrü) rameti E.Bekir Pamuxçi rew bırıya, piya hatan More/amor 15-15 veciye. Dıme ra peserroka Raştiye 9 mori/amori veciye. Raştiye dıme ra ki Pesoroka Ware’y veciye.
Albzanê ma, sarê ma; na tawi ra dıma roc be roc ama ra xo, est xo ver, bime zaf! ebe na hal kamiye u zonê xo ser guriyay. Na kari ra dıma xeyle üniversitanê dina u yê Almanya de musêri (telebi) Zazau (Kırmanc-Dımılı-Şarê Ma) sero, zonê Zazaki sero Doğtora (doktora ) xo kerde.
Na karê Doktora sero ki kıtabê xo veti. Dr.Terry Lynn Tood, di dıme ra Prof.Dr. Ludwig Paul, di dıme ra ki Doç. Dr. Zülfü Selcan , Dr. Kahraman Gündüzkanati kıtabê Doktora xo veti.
Se ke şıma na ca de serê nuşti de resm de vinenê kıtabê ilmiye ke şarê Zazay (kırmanc-dımıli) sero vejiyê, ju ki kıtabê dersa Zazaki veciye, şımaê ebe resm na ca de vinenê. Ez diyağ kenane naê ra dıma şarê ma roc ebe roce erzeno xover, ebe na hal serbestiya xo cêno ra xo dest. Ebe nal ra reseno serbestiya xo.
Hirê kıtabê musaena Zazaki estê. Dine ra ju kıtabê mı “Ebe Vatena (salığdaena) Tırki Kıtabê Musaena Zazaki’ kıtab yê musaena zonê Zazakio. Kıtabê diyine Kıtabê Mesut Keskin’io; “Zonê Ma Zanena” Kıtabê hirêyinê ki kıtabê Fexri Pamuxçio.” Gramerê Zazaki” Ni kıtabi kıtabê musaena zonê Zazaki’yê.
Zobina xeyle kıtabi Zazaki de veciyay, na serênanê pêenu de Zazaki de zaf kıtabi veciyay. Na Kıtabê bini yani Vazebendi (Qesebendi), romani, kılamı (şiiri) veciyê.
Naê ra dıma herkes Zazaki de bınusno, Zazaki qesey bıkero, domananê xo bırusno wendisxanê dersa weçintiye bicêrê, eke zav u jeç Zazaki/Kirmancki bımusero. Ez zaf biyane sa ke Rocnama Vengê Sarêdersimi (Tunceli Halkı Sesi) ca dana Zazaki(Kırmancki). Keşka ju rocnama tek u teyna Zonê ma de bıveciyo.
Hatan Reyna,
Bımanê Weşiye de!
Heyder Şahin
